Покрај малите бизниси, од ситуацијава се најдоа погодени и љубовџиите. Среќно заљубените импровизираа дејтови, а сингл луѓето се префрлија на инстаграм. Сте се размуабетиле ептен со симпатијата и се мислиш како да го префрлиш тоа во живо? Getout е тука да ти помогне со идеи за дејт што ќе помогнат да ви тргне работата!
Ако сте лабави и сакате да ја терате класичната парк шема, Вело-кафе и Номад ви се таман во близина за да си земете кафе. Тие што не сте по кафето, за благо блиску ви е Fluffy со најфотогеничните палачинки во градот, а за здрава варијанта Сквиз ми со голем избор на цедени сокови и шејкови.
Ако повеќе сакате да се шетате низ град, вистинските места за пауза ви се таман блиску до плоштад: помфрит или топено сирење во Горки како мезе, а за десерт преку лица ве чека сладоледот од Радост. Одлична прилика да си играте со комбинациите на вкусови и додатоци, па ако ептен сакате да ја тестирате довербата, дури и да одберете додатоци за другиот!
Си пуштивте поглед во теретана, на кеј или на Водно и сега сакате да продолжите? Fitness house е полн погодок за вас. Сите јадења што ги сакате во здрава верзија и што е најважно – guilt free!
Ако се чувствувате fancy и сакате малку поприватна атмосфера и добра храна, препорачуваме оброк во Daily. Без разлика дали сакате салата, пица, месо или тестенини – не може да утнете со изборот. За десерт ве чекаат најдобрите вафли во Скопје, од менито на Мартини. Ако мислиш дека си јадел добра вафла, Мартини е тука да го крене критериумот и да ја надмине.
А ако двајцата повеќе сте по добра пијачка отколку по храна или ви треба малку liquid courage, Casa ви нуди врвни коктели и одлична атмосфера. Сепак, за тие повеќе по пиво и добра музика, Woodstock е местото за секој мераклија. Со Woodstock плејлиста во позадина, ќе ти тргне и пивото, а најверојатно и муабетот.
После целата изолација, се надеваме дека добро ќе ви дојдат предлозиве и брзо ќе се опоравите од љубовната криза <3
Леп провод и памет во глава,
Марија Јанева
