Барајќи инспирација на интернет за тоа како да го подобрите стилот, да го обновите вашиот гардеробер, или пак барате одговор на прашањето што да облечам денес, може многу лесно да паднете во црната дупка на „инста-пеколот“. Во една прилика имам кажано дека Инстаграм е многу добра платформа, но се додека се користи „паметно“. Што значи ова? Сите сакаме да гледаме убава за око содржина, да изгледаме исто толку неодоливо, но никако не треба да дозволиме таа содржина да ни претстави лажна слика или да влијае негативно на нас. Наместо да размислуваме за тоа дека тие парчиња не можеме да си ги дозволиме, треба да дејствуваме креативно.
Со цел подобро да ви го доближам горе напишаното, за денес подготвив мини проект наречен get the look, или како да изгледате како познатите светски влијателни инфлуенсери, и уште поважно каде да го набавите нивниот изглед (достапно на нашиот пазар).
Па да започнеме 😉
Кој? Јоана Ваз
Зошто? Затоа што таа е едноставна, но истовремено многу модерна. Таа е класичен пример дека треба да бираме квалитет, а не квантитет. Можеме да ја забележиме повеќе пати со истите чевли или торби, но модниот печат никогаш не изостанува во нејзините беспрекорни комбинации. Доколку сте љубител на уличната мода дефинитивно треба да ги следите нејзините секојдневни објави!
Пантолони, блуза и ташна: Mango
Мантил: Massimo Dutti (може да се замени со кремаст капут од било која продавница бидејќи е безвременско парче)
Чизми: Zara
Пантолони, блуза, капут, чанта: Zara
Патики: Calvin Klein
Шорцеви: Benetton
Ролка: H&M
Штикли, чанта: Mango
Кој? Блејр Иди
Зошто? Ако сакате да се инспирирате како да искомбинирате различни принтови и бои тогаш сте на вистинското место. Нејзините изгледи се секогаш многу ексцентрични, смели и интересни. Никогаш нема да ве разочара.
Фустан: Zara
Хулахопки: Sara Fashion
Чевли: локален бутик
Чанта: O bag
Кој? Тамара Калиниќ
Зошто? Секогаш во тек со светските трендови. Неодолива инспирација за сите вљубеници во модата.
Ролка, фустан, чизми, чанта: Zara
Шал: Mango
Хулахопки: Calzedonia
Кој? Зина Чаркоплиа
Зошто ? Ако сте во потрага по пример за безвременски и минималистички стил тогаш ова е профилот кој мора да се најде во вашата листа на following.
Фармерки, сако, чизми: Zara
Ролка: Intimissimi
Последна за овој блог пост би ја издвоила карантинската мода, која периодов зазема големо место во нашето секојдневие. Екстремно популарни меѓу инфлуенсерите низ светот па и кај нас се најдоа трендовите на “pillow challenge”, односно предизвикот на правење што поинтересен и покреативен аутфит со перница или јорган. Тука ќе ги издвојам сите светски фаворити кои на сите ни оставија најголем впечаток.
Поздрав,
Никица Ацева
@nikicaaceva
